თანამედროვე ცხოვრებაში ადამიანებისთვის სულ უფრო მნიშვნელოვანი ხდება სივრცე, სადაც შესაძლებელია დასვენება, სპორტი, მუშაობა და ოჯახთან დროის გატარება ერთ გარემოში. ქალაქის სწრაფი რიტმის პირობებში დრო ყველაზე ძვირფასი რესურსია. ამიტომაც იზრდება მოთხოვნა ისეთ საცხოვრებელ სივრცეებზე, სადაც ყოველდღიური აქტივობები სახლთან ახლოს არის ხელმისაწვდომი.

სპორტული ინფრასტრუქტურა ხელს უწყობს აქტიურ და ჯანსაღ ცხოვრებას, სამუშაო სივრცეები ქმნის კომფორტულ გარემოს კონცენტრაციისთვის, ხოლო საბავშვო და რეკრეაციული ზონები ოჯახებს აძლევს შესაძლებლობას მეტი დრო გაატარონ ერთად. ასეთ გარემოში ცხოვრება ამცირებს ქალაქში გადაადგილების საჭიროებას და ყოველდღიურობას უფრო მარტივსა და დაბალანსებულს ხდის.

სწორედ ამ იდეაზეა შექმნილი პილარ პარკი. პროექტში ერთ სივრცეში გაერთიანებულია 22-მდე სხვადასხვა აქტივობა და ინფრასტრუქტურა, რომელიც მორგებულია სხვადასხვა ასაკისა და ინტერესის მქონე ადამიანებზე. მობინადრეებს დახვდებათ საცურაო აუზი, ჩოგბურთის, კალათბურთის, პადელისა და ფეხბურთის კორტები, სპორტდარბაზი, სამუშაო სივრცეები, საბავშვო ბაღი, საბავშვო გასართობი ზონები, ძაღლების სპეციალური სივრცე, ველობილიკი, სარბენი ბილიკი, საცოცი კედელი და მტკვრისპირა ბულვარი, ასევე სხვა რეკრეაციული და დასასვენებელი ადგილები.

ამ ყველაფერს განსაკუთრებულ მნიშვნელობას სძენს ისიც, რომ ეს აქტივობები ხელმისაწვდომია სუფთა ჰაერზე და ბუნებასთან ახლოს, რაც ყოველდღიურ ცხოვრებას უფრო ჯანსაღსა და სასიამოვნოს ხდის. ასეთ გარემოში სივრცე აღარ არის მხოლოდ საცხოვრებელი ადგილი ის ხდება ადგილი, სადაც შესაძლებელია ცხოვრება, მოძრაობა, დასვენება და განვითარება ერთ სივრცეში.